‘ கவுரவ டாக்டர் ‘ பட்டம் வழங்கியிருப்பது , சரியான காமெடிங்க ..!
டாக்டர் பட்டங்கள் மதிப்பிழந்ததற்கு ,இத்தகு கூஜா தூக்கலே காரணம் .

பட்டங்கள் , எத்துறையிலேனும்  சாதித்தவர்க்கு தரப்படும் .
கலைஞருக்காகவது , தமிழிற்காய்  தந்தோம் என சாக்கிடலாம் ..!
சோனியா காந்தியும்  , மன்மோகன் சிங்கும் சாதித்தது என்ன …?
பன்னிரண்டு சதவீத  பணவீக்கத்தை  எழுப்பியமைக்கென்றால் , சரியெனலாம் ..!

பல்கலைக் கழகத்தின் கண்ணுக்கு , அதிகாரமும் , பதவியுமே  தென்பட்டிருக்கிறது ..!

உண்மையில் , மன்மோகன் சிங்கிற்கு தரவே ,இவர்கட்கு தோணியிருக்காது .
ஆனால் , பிரதமருக்கே இல்லையென்று விட்டு , எப்பதவியுமில்லா சோனியாவிற்கு தந்தால் , கணக்கில்  உதைக்குமே என , மன்மோகனை சேர்த்து விட்டனர் போலும் ..!
பாவம் , ‘ எகனாமிக்ஸ் கிங் ‘ …மன்மோகன் சிங் ..! பிரதமராக ஆசைப்பட்டால் , இதுவும் வேண்டும் , இன்னமும் வேண்டும்தான் ..!

பட்டங்கள் , வளரும் மாணவர்கென்றால் , மிக நல்லதெனலாம் .
அறுபதை தாண்டும் சோனியாவும் , எழுபதிலிருக்கும் மன்மோகனும் , எண்பத்தைந்திலிருக்கும் முதல்வரும் , கவுரவ டாக்டர் பட்டங்கள் பெற்றுச் சாதிப்பது என்ன …?

அதிகாரமிருந்தால் , அரசியல்வாதியாயிருந்தால் , எந்த வயதிலும் பட்டங்கள் பெறலாமென்பதே , இதனால் தெளிவாகிறது .

முதல்வரின் பேச்சோ , அதை விட அபத்தமாயுள்ளது .
தள்ளாத வயதிலும் , தமிழெழுதுவதற்காய் , முதல்வருக்குத் தரலாம் . பாராட்டலாம் .
ஆனால்  , முதல்வரோ …
பட்டம் பெற்றதும் , கிரிஸ்தவர்களுக்கான இட ஒதுக்கீடு சந்தேகங்கள் தீர்க்கப்படுமென்கிறார் .
அருந்ததியர்க்கு , தனி ஒதுக்கீடு வழங்கபடுமென்கிறார்.
இதுவா , இளைஞர்க்கு சொல்லும் ஊக்க வார்த்தைகள் ..?

படிப்பில் … விடா முயற்சி , கடும் உழைப்பைக் காட்டுங்கள் எனச் சொல்லாமல் ,
கிரிஸ்தவர்க்கான இட ஒதுக்கீடைத் தருவோம் ; இடம்  ஒதுக்குவோம் என்கிறார் .
அதுவும் , கிரிஸ்தவரான , சோனியாவை வைத்துக் கொண்டு சொல்கிறார் ..!
போததற்கு , பட்டத்தை வாங்கிக் கொண்டு , பட்டம் தந்த பல்கலைகழகத்திற்கு , இத்தனை கோடி நிதி ஒதுக்கீடு  அறிவிக்கிறார் .
ஆக , பட்டமளித்தவர்க்கு பிச்சை அளிக்கிறார் என்றுதானேங்க  அர்த்தம் ..!

டாக்டர்கள் அளிப்பது உயிர்ப் பிச்சை ; பல்கலைக்கழகங்கள் எடுப்பதோ , பணப் பிச்சைங்க..!

எம்.ஜி. ஆரின்  ., ஒட்டு வங்கி ,  ‘ ஜெ ‘ விற்குத்தான் என்பதை , ஏழு கட்சிக் கூட்டணியை எதிர்த்தும் , 61 இடங்களில் அ .தி . மு .க .,வென்றதே உணர்த்துகிறது .
நிதர்சனங்கள் சொல்வதென்ன ,….?
இந்திய அரசியலில் , வாரிசில்லா தலைவர்களுக்கே , இன்றளவும் நிரந்தரப் புகழ் நிலைக்கிறது .
வாரிசுகள் பற்றிய , ஒரு விசித்திர ஒற்றுமையையும் சற்று பாருங்களேன் …!
 தமிழக அரசியலாரின் ஆதர்ச தலைவர்கள் எவருக்குமே , நேரிடையான வாரிசுகள் இல்லையென்பதுதான் …!
காமராஜர் , பெரியார் ,  அண்ணா  , எம் . ஜி . ஆர் , ஜீவா , முத்துராமலிங்கத் தேவர் , என எவருக்குமே , நேரிடையான வாரிசுகளில்லை என்றானது , தமிழகத்தின் சாபக்கேடுதான் .
ராஜாஜிக்கோ , பெண் வாரிசுதான் உண்டு ; அவரும் , அரசியல் பக்கமே வந்ததில்லை .

போததற்கு , நினைவிற்கிருக்கும் வரை , இப் பெரும் தலைவர்கள் எவரையுமே , தங்களது வாரிசு என அறிவித்ததுமில்லை . அதுவும் , வாரிசாகப் பேசுவோர்க்கு , வசதியாகி விட்டது .
பொதுவாய் , சாதாரண பெட்டிக் கடைக்காரருக்கும் , வாரிசு வளர்க்கும் ஆசையிருக்கும் .
ஆனால் , இப்்பெரும் தலைவர்களுக்கு , எவ் வாரிசுமில்லாது போனது , வாரிசு உரிமை கொண்டாடுவோர்க்கு , கொண்டாட்டமாகிவிட்டது .
நாந்தான் வாரிசு , குருகுலக் கொழுந்தென , ஆளாளுக்கு ஆர்ப்பரிப்பதே , வழக்கமாகி விட்டது .

தி . மு . க ., வைப் பொறுத்த மட்டில் ,
அண்ணாவைச் சொல்லி , கலைஞர் வந்தார் ; ஐந்து முறை  அரசாண்டும் விட்டார் .
ஆனால் , மகனுக்கு மட்டுமன்றி , பேரன் வரை பதவி பெற வழி வகுத்தவர் , கலைஞரேதான் .
பதவிக்கு வர தயா நிதி  மாறன் , கனிமொழி  போன்றோரின் , அரசியல் பங்களிப்புக்கள் என்ன ?
கலைஞரின் உறவு என்ற , ஒரே தகுதிகள்தான் . இல்லையென , தி .மு . க .,வே மறுக்காது .
ஸ்டாலின் , அழகிரிக்களீன் வாரிசுகளான , உதய நிதி , தயாநிதிக்களீன் வாரிசுப் போர் .அடுத்தத் தலைமுறை தி .மு. க .,வுக்கு  தொடரும் ; பரவும் .

வாரிசு வளர்த்தல்  , உலக மயமாக்கப்பட்டு விட்ட வழிதான் .
இன்றைய , அமெரிக்க அதிபர் ., ஜியார்ஜ் புஷ் .,ன் தந்தை  , முன்னாள் அதிபரான புஷ்தான் .
அடுத்த தேர்தலுக்கு போராடும் , ஹில்லாரியோ , முன்னாள் அதிபர் கிளிண்டனின் மனைவிதான் .
பெனசீர் புட்டோவின் , 19 வயதான பிலாவல் புட்டோவோ  , அறிவிக்கப்பட்ட வாரிசு .

ஆக ,, வாரிசில்லா அரசியலுக்கு , பழகாத மக்களிருக்கும் வரை ,  வாரிசுகள் வந்தபடியே இருப்பர்தான் . இதுவே , ஆசிய அரசியலின் சாபக்கேடு ..!

     ச. பிரசன்னா 

நமக்கான பயணங்கள்
ஏற்கனவே எழுதப்பட்டிருந்தும் …
நாம்தான்  எழுப்புகிறோமென …
ஏனோ  இறுமாறுகிறோம் ..?

இன்னார்க்கு இன்னாரென்று …
இறைவன் இறுதி செய்தாலும் …
எல்லார்க்கும் எல்லாமுமென …
ஏனோதானோவென அலைபாய்கிறோம் …!

வாழ்வதில்  இனிமையிருந்தும்
வாழ்வில்    இருத்திடாதிருந்து
மனம் போன போக்கிலெல்லாம்
புண்ணாகிப் போகின்றோம் …!

இனியேனும் அறிவோம் …?
எல்லாமும் சமமென்றால்  …
ஒவ்வொன்றும் சரியென்றால் …
எதற்கிந்த வாழ்வென்று …
வெறுத்திடுவோம்  நாமெல்லாம் …!

என்றிறைவன் அறிந்ததனால் …
புரிந்தவனாய் படைத்ததனால் …
வாழ்கையெனும் பாதையிலே …
எப்போதும் நிறைந்திருக்கும்
மேடுகளும் , பள்ளங்களும் …!
                            ச. பிரசன்னா 

3.   விபத்து .                                ,
” பயணிகள் கவனிக்கவும் ”                   
அறிவிப்பில்லாததால்                             
 அலட்சியமாகவே                                 
காதல்
தண்டவாளங்கள்
தாண்டப்படுகின்றன …!

காதலறிவிப்பு ..

கீழ்  விழுந்த
உன்
கைக் குட்டையை
எடுத்துத் தந்தேன் .
காதல்
குட்டைக்குள்

விழுந்தேன்

                                                        பிரசன்னா

எப்போதும் , வளர்ச்சித் திட்டங்களின் போது , மக்களின் எல்லாச் சாராரையும் திருப்திபடுத்த முடியாது .
திருப்திபடுத்த முனைந்தால் , வளரவே முடியாது என்பதை உணராமல் ,எல்லாப் பிரச்னையையும் ,ராமதாஸ் அரசியலாக்குகிறார் .

எந்த பகுதியில் , வளர்ச்சித் திட்டங்கள் அறிவிக்கப்பட்டாலும் , எல்லாரும் இவரை அழைத்தாற் போல் ஒடோடிச் செல்கிறார் .
மக்களின் கருத்துக்களைக் கேட்கிறார் . நிலம் கொடுக்காதீர்கள் என்ற , தன் கருத்தைத் திணிக்கிறார் .

இவருக்கு கிடைப்பது , விளம்பரப் பெருமை .  ‘ நில மீட்புக் காவலர் ‘ என விரைவில் பட்டமும் சூட்டிக் கொண்டு விடுவார் ..!
விவசாயிகளுக்கோ , விற்க மனமிருந்தும் , நல்ல விலைக்கு விற்க முடியாத கொடுமைதான் ஏற்படுகிறது .

காய்கறிகளின் , விலையை ஏற்றினால்தான் , விவசாயிக்கு லாபம் .
காய்கறி , குறைந்த விலைக்கு விற்றால்தான் , பொது மக்களுக்கு லாபம் .
இது சமுகத்தின் நியதி .

ராமதாஸ் , விவசாயியை , நிலத்தை விற்காதே என ஊக்கப்படுத்துவார் .
அரசாங்கத்தை , காய்கறி விலையை கட்டுப்படுத்தாமல் , ஏழை மக்களின் வயிற்றீல் அடிக்காதீர்கள் என லாவணி பாடுவார் .

இரட்டை வேடங்களினால் , இரட்டை வித லாபம் அடைய பார்க்கிறார்கள் , இன்றைய அரசியல்வாதிகள் என்பதற்கு , இராமதாஸ் ஒரு நல்ல உதாரணம் .

ச . பிரசன்னா ,

முதலிருபது வருடம் 
கணவனுக்காகவும் ,
பிந்தைய வருடங்கள் 
பிள்ளைக்காகவும் ,
மிஞ்சிய வருடங்களை 
பேரன்களுக்காகவும்
கழித்ததும்தான்
கண்ணம்மா பாட்டிக்குத்
தெரிந்தது  .
அவளது
அம்மாவின் அன்பும்
‘ பேங்க் ‘  பேலன்ஸும்தான்
உலகில்
நிரந்தரமென்று !
      சொந்தம் .

அம்மாவோடு
 நானும்
சேர்ந்து
கொணடேன்
முதியோர் இல்லத்தில் .
நானும்
வேண்டாத
அம்மாவாய்
மாறிய பொழுது !
   ச. பிரசன்னா 

கணக்கில்லா கடன்களும்
கட்டுக்கடங்கா பிள்ளைகளூம்
நிரந்தரமற்ற ஊழியங்களும்
நிச்சயமற்ற வருமானங்களூம்
சொல்லத்தகா  சொந்தங்்களூம் 
சொல்லவேயில்லா சொத்துக்களும்
கொண்டிருந்தும்  , பொறுத்திருந்து
கோடானுகோடிப் பேர் 
போராடி வாழ்கையிலே
இருப்பதிலே இன்புறாமல்
இல்லாததற்காய் ஏங்கிடாமல்
போதுமென்ற மனதோடு
வாழ்ந்திடுவீர் வளமோடு !
ச . பிரசன்னா

காதல்
தேவ ரகசியம்தான் .
காதலர்கள் ்  
தரையிலேயே                            
நடப்பதில்லையென்பதால் !           
                                                                
காதலுக்கு
மொழியேயில்லைதான் .                    
என்னப்
பேசுகிறோமென்றே               
தெரியாமல்
காதலர்கள்
பேசிக் கொண்டேயிருப்பதால் !

காதலும்
அட்சயப் பாத்திரம்தான் .
எவ்வயதிலும்
உணவாக
உணர்வாய்
மீண்டுமெழுவதால் !

காதல்            
நல்ல ரசாயனம்தான் .                                      
தரமற்றதாயினும்                                               
தடையின்றிக்                                                   
கலப்பதனால் !

காதலும்  கூட
‘ ஒலிம்பிக்ஸ் ‘ தான் .
வெல்வதைக்
காட்டிலும்
பங்கேற்பதே
பெரிதெனக்
கருத வைப்பதால் !

காதலும்
ஒர்
இண்டெர்நெட்தான் .
எவர்க்குமே
சொந்தமில்லையென்பதால் !

  ச . பிரசன்னா .

அனுபவமுள்ள , ஆற்றலுள்ள , ஏற்கனவே லட்சாதிலட்சமாய் சம்பாதித்த ..மருத்துவர்களூக்கு , கிராமப்புறச் சேவையை கட்டாயமாக்குவதுதானே ..?
எந்த  ஒரு நோயாளீயும் , டாக்டரின் கைராசியை பார்ப்பான் ; அவரது , வயதை வைத்து , அவ்ரது அனுபவ ஞானத்தை வைத்துத்தான் , மருத்துவம் பார்க்கவே சம்மதிப்பான் .
படிப்பையே முடிக்காத இளைஞர்கள்தான் மருத்துவரென்றால் , மருண்டு ஒடத்தான் செய்வார்கள் .

இதற்குப் பேரா சேவை ..? ஏற்கனவே இருக்கின்ற  மருத்துவமனைகளீல் , இல்லாத மருத்துவர்களை நியமித்தால் , அது சாதனை .  இவர் செய்வதோ , வேதனை . அரசியலால் வந்த சோதனை .
ஆகவே , அனுபவமான டாக்டர்களுக்கு கிராமப்புறச் சேவை செய்ய விதிகளை விதிப்பதே சரியானது .
செய்வாரா அன்புமணீ ..?
அதை நிருபிக்க , அனுபவமுள்ள அவரே , முதலில் கிராமத்திற்குச் சென்று சேவை செய்யத் துவங்கலாமே ..?                                  

-        ச. பிரசன்னா 

முதல்வர் கலைஞரது ,டெல்லிப் பயணத்தினாலான ‘ நதி நீர் ‘ இணைப்பு பற்றிய கருத்துக்கள் மிகவும் வரவேற்கத்தக்கவைதான் .
 டெல்லி பயணம் பயனுள்ளதுதான் .ஆனாலும் , ஒரு சந்தேகம் எழுகிறது .
உணமையில் , நதி நீர் இணைப்பா ., கலைஞரது பயணத்திற்கு காரணம் ..?
மகளுக்கு , தந்தை ஆற்றும் கடனாக எம். . பி. பதவியும் தந்துவிட்டார் .
மந்திரி பதவியும் , மகளூக்கு வாங்கித் தராமல் இருப்பாரா என்ன ….? ராசாவுக்கே உண்டென்றால் கனிமொழி என்ன சும்மாவா ..?
திருச்சி சிவாவும் , தன் வாயை உளறி விட்டார் . எந்தவொரு தி,.மு.க  எம் . பியின் பதவி ஏற்புக்கும் , கலைஞர் வந்ததில்லையாம் ; இவர்களுக்குத்தான் வந்திருக்கிறாராம் . 
சிறப்பிக்கக் காரணமே , சிவா நீயில்லையப்பா …? கனிமொழி .கலைஞர் பெற்ற மகளப்பா . . .!

போதாததுக்கு ,  நதி நீர் பிரச்சனைகளை தீர்க்க , மன்மோகன் சிங் ஒரு திட்டம் வைத்திருக்கிறாரா என்றும் முதல்வர் கலைஞர் சொல்கிறார் .
எந்தவொரு பிரச்னைக்கும் , உடனே கலைஞர் கடிதம் எழுதுவார் ; அதன் நகலையும் , பத்திரிக்கைகள் வெளியிடும் . இதுதானே வழக்கம் .
நேரில் , மன்மோகன் சிங் சொன்ன ரகசிய ‘ மாஸ்டர் பிளானை ‘ வெளியிடக் கூடாதா . .?
நதி நீர் ் தகறார்களுக்கு முடிவு கட்டலாமே ..? மாட்டவே மாட்டார் .

கனிமொழிக்கான …மந்திரி பதவிக்கு அடி போட்டிருக்கிறார் . கிடைத்ததும் ,
அத் திட்டம் பற்றி , ஒரு துளி வேண்டுமானால் கிடைக்கலாம் .
நதி நீரோ ,, அந்த துளி அளவும் கிடைக்காது .

ஆக , தபால் , தகவல் தொழில்நுடப்த் துறை , தி .மு .க ‘விற்கே குத்தகைக்கு விடப்பட்டிருக்கிறது .
மந்திரிகளை மாற்றும் உரிமை , பிரதம்ருக்கில்லை ..? கலைஞருக்குத்தான் ..!
இது தி . மு. விற்கு கவுரவ்மான மாற்றம்தான் .
ஆனால் , காங்கிரஸுக்கோ , அவமானகரமான மாற்றம் .
ஐ . டி. துறை என்பது ,வளர்ச்சியின் உச்சத்திலிருக்கும் துறை . நவீன உலகில் , ஒரு ஐ . டி. துறை அமைச்சரின் அதிகாரமும் , விளம்பர ஆதாயங்களூம் கணக்கில்லாதவை .

சோனியாவை மிஞ்சும் அளவு அதிகாரம் , வேறு காங்கிரஸ்காரர்க்கு கிடைக்கக் கூடாது என்பதே சோனியாவின் குறிக்கோள் . விளைவு ..?
ஆளும் கட்சியான காங்கிரஸ் , ஐ .டி . துறையை , தானே வைத்துக் கொண்டு , ஆதாயமடையாமல் , வெறும் 15 எம். .பி. க்களை கொண்ட் தி . மு. க விற்கு தந்திருக்கிறது .

36 எம். . எல். ஏக்களிருந்தும் , தமிழகத்திலோ , ஆட்சியில் பங்கு கேட்டு திருவோடு ஏந்திக் கொண்டிருக்கிறது .

கர்ம வீரரின் காங்கிரஸுக்கு ….

 என்னே பெருந்தன்மை . . .!

                                                            ச. பிரசன்னா 

 குத்து பாட்டு …
 இலவசமா . . .
 பாடுவேனுங்கோ !
 இலவசமா இறைச்சதென்ன  ?
 சொல்லுறேனுங்கோ !

 கேஸ் அடுப்பு  இலவசமாம் …
 ரேஷன் அரிசி குறைச்சலுதான் …
 சிலிண்டர் வாங்க காசு இல்லையே ..?
 கனெக்ஷனுக்கு வழியுமில்லையே ..?

 இலவசமா  முட்டையாம் ..
 இஸ்கூல்ல  தருவாங்களாம் …
 பாலு விலை ஏறிடுச்சியா ? – கூட
 கறி  விலையும்  உசந்திடுச்சியா ..!

 ரயிலு ரேட்ஏறலைதான் ..
 ஏறி , போக ஆவலைதான் …
 பஸ்ஸு ரேட்டு மாறிடுச்சியா …!
 ஆட்டோ சார்ஜோ எகிறிடுச்்சியா …?

 விவசாயி வாழனும்னா …
 விலையை ஏத்தணும் …
 எழைபாழை வாழனும்னா …
 விலையைக் குறைக்கணும் ..!

 ஏழை  வாழத்தான் வழியுமில்ல  —  பண
 வீக்கம்தான் குறையவில்ல …!                                           
 பட்ஜெட்லாம்  போடுறாங்களாம் ..
 ஏழைக்கெல்லாம் கொடுக்கறாங்களாம் …  
          
 என்னதான் கொடுத்தாங்க …?                    
 ஏதுதான் கொடுத்தாங்க …?                                  
         தெரிஞ்சாதான் சொல்லுங்களேன் … 
 பணப் புழக்கமாக செய்யுங்களேன் …!
                                                   ச. பிரசன்னா 

                                                  பிரசன்னா 
                       

கட்சி நடத்த ,யாரோ ஒருவர் வந்து பேரம் பேசினார் எனறும் , பா . ஜ . க .  கட்சி நடத்த …
 தி . மு . க ., பா . ம   . க ., எல்லாம் இளிச்சவாயர்களா . . .என்றும் கேட்கிறார் . 
கலைஞருக்கு … ‘ செலக்டிவ் அம்னிஷியா ‘ ..போலும் ..!

அதே பா . ஜ . க ., வுடன் கூட்டாயிருந்துதானே , இதே கலைஞரும் , பா . ம . க . ,வும் . . ஐந்தாண்டுக்கும் மேலாக மத்தியில் பங்கு பெற்றார்கள்் . மாறனின் மரணப்படுக்கையிலும் , அவரது மந்திரி பதவியை கலைஞர் தக்க வைத்துக் கொண்டார் .
அப்போது , இந்த திராவிடச் சூரியருக்கு , அவர்கள் ஆரியர்கள் எனத் தெரியவில்லையாமா . . ?

இளிச்சவாயர்கள் ,பதவியை கோட்டை விடுவதில் மட்டும் இளிச்சவாயர்களீல்லை போலிருக்கிறது . .!
கொள்கை வேறு ; ஆதரவு வேறு . . .என்பதுதான் பகுத்தறிவு போலும்  . .! போகட்டும் .,

இதே பா . ஜ . கவும்  , அ .தி . மு . க .,தான் ., சேது சமுத்திரத் திட்டத்தை தேர்தல் அறிக்கையில் குறிப்பிட்டார்கள் என்கிறார் . .? சரி . அவர்கள் , இத் திட்டத்தை நிறைவேற்றுவோம் என்றார்களே தவிர , ராமர் பாலத்தை இடித்துத்தான் நிறைவேற்றுவோம் எனச் சொல்லவில்லையே . .!
இப்போதும் , ராமர் பாலத்தை இடிக்காமல் , மாற்றுப் பாதையமைத்து நிறைவேற்றுங்கள் என்றுதானே கேட்கிறார்கள் ..?
தவிரவும் ,பார்லிமெண்ட்டில் ’45 ‘ மணி நேரத்திற்கும் மேலாய் சேதுவிற்காய் பேசினவர்களையும் காணவில்லை என ‘வை . கோ ., ‘வைச் சாடுகிறார் .
45 வருடத்திற்கும் மேலாக , சுயமரியாதைக்காக ,சுடரெனப் பணியாற்றும் கலைஞர் ,
ஆட்சிக்காக …ஆரியருக்கு அடிபணியும் காங்கிரஸுக்கு  ஆதரவை விலக்காமல் இருப்பது எந்தச் சுயமரியாதையோடு என்றாவது சொல்லட்டும் . .!
அதே போல் ,
ராமர் மட்டுமன்றி , ‘ இயேசு கிறிஸ்து ‘ , ‘அல்லா ‘ .,க்களும்  கூட  , மூட நம்பிக்கைதான் எனச் சொல்லி சுயமரியாதைக் கொள்கையை நிலை நாட்டட்டும் ..!

ராமரை  நம்பாத கலைஞர் , ‘ ராமதாஸ் ‘ …என்ற பெயருள்ளவரை நம்பி  , ஆட்சி நடத்துவதுதான் ,..
திராவிட ராமாயணம் போலும் . . .!
      பிரசன்னா 

                                                பிரசன்னா

பரவும் ….

பரிமாறப்படும் …
எனத்தான்
பகிர்கிறேன் ….!
                        பிரசன்னா .

அனுதினமும்
ஆகமம்
ஆயிரம்
படித்தாலும் . . .
வேதமாயிரம்
பாராயாணமாயிரம்
ஒதினாலும் …
சொல்லில்
அடங்காதவை . . .?
சொல்லுக்குள்
அடக்க
முடியாதவை . . .
இளமைக்கால
காதலர்களின்
உளறல்களதான். . .!
எங்கே எந்தன் ஜீவனே . . .?

 நீ
போகும்
பாதையிலுள்ள
புல்வெளீயும்
கேட்கிறது .
ஏனிந்த
மவுனம் என்று . . .?

உனக்கு
என்னைப்
பிடித்ததால்
பேசுகிறாயா . . .
இல்லை ..?
என்
பேச்சுப்
பிடித்ததால்
பேசுகிறாயா. . .
என்பதுதான்
இன்னமும்
பிடிபடவே
இல்லையெனக்கு . . .!

பரவாயில்லையடி . . .!
 நீ
என்னுடன்
வருவதாயில்லை
என்றாவது
சொல்லிப்
போ  . . .!

சொல்லித் தெரிவதில்லைதான்
மன்மதக் கலை . . .!
யாரோ 
ஒருவர்
சொன்னாலும் . . .
சொல்லத்
தெரிவதில்லைதான் . . .
முடிவதில்லைதான் . . .
காதலின்
நிலை . . .!

இது
நமக்குள்ளான
ஒப்பந்தமாகவிருக்கட்டும் .
சொன்னாலும் . . .
சொல்லாவிட்டாலும் . . .
இறுதி வரை
பார்வையில்
ஆயிரம்
வெண் சாமரம்
வீசிக்
கொண்டிருப்போம் .                       பிரசன்னா .
என்பதை . . .!
 

காலமெல்லாம்
வாழும்
இதிகாஸமும்
ஒரு
கவித்துளியாகத்தான்
உருவாகும் . .1

நேரம்
காலம்
சரிவரவும்
கவிதைகள்
கவிக்குயில்கள்
இன்னிஸை பாடும்
பாடலை
தொடர்கிறேன்

                      பிரசன்னா .

இது என்னை அறிமுகப்படுத்துவது மட்டுமன்று …?
என் கவிதைகளையும்
அறிமுகப்படுத்தத்தான் …!

காலம் தாண்டி . . .
தேசம் தாண்டி . . .
வாழுமென்ற
கவிதைகளை . . .
படைக்கவும் ஆசை . . .!
படைப்புத்
தாகத்தை
தணிக்கவும் ஆசை . . .!

என் பக்கங்கள் , இதற்கு உதவியாகலாம் .
என் படைப்புக்கள் , அதற்கு உறுதுணையாகவும் இருக்கலாம் .
உங்கள் கருத்துக்கள் , கிரியா ஊக்கியாகவும் மாறலாம் .
உதவுங்கள் …!

                    பிரசன்னா .